असोज २९, काठमाडौ –
नेपालमा पछिल्लो २४ घण्टामा थप ३ हजार ७४९ जना कोरोना संक्रमित थपिएका छन्। योसँगै नेपालमा कोरोना संक्रमितको संख्या १ लाख २१ हजार ७४५ पुगेको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार बिहीबार ३ हजार ५६४ जना कोरोना संक्रमित डिस्चार्ज भएका छन्। योसँगै हालसम्म डिस्चार्ज हुनेको संख्या ८४ हजार ५१८ पुगेको छ। पछिल्लो २४ घण्टामा थप १९ जनाको कोरोनाबाट मृत्यु भएको छ। योसँगै नेपालमा कोरोनाबाट ज्यान गुमाउनेको संख्या ६९४ पुगेको स्वास्थ मन्त्रालयले जनाएको छ ।
पछिल्लो २४ घण्टामा १६ हजार ५९८ पीसीआर परीक्षण गरिएको स्वास्थ्य मन्त्रालयले जनाएको छ। हाल देशभर सक्रिय संक्रमितको संख्या ३६ हजार ५३३ रहेको छ भने ४ हजार ८२५ जना क्वारेन्टिनमा छन्।
Facebook Comments
