कार्तिक १६, विराटनगर –
इन्डियन प्रिमियर लिग (आईपीएल) क्रिकेटमा दोश्रो स्थानको रोयल च्यालेन्जर्स बैङ्लोर र तेस्रो स्थानको दिल्ली पराजित भएसँगै प्लेअफ यात्रा रोमाञ्चक बनेको छ । शनिबार भएको दुई खेलमा सनराइजर्स हैदराबादले रोयल च्यालेन्जर्स बेङ्ग्लोरलाई ५ विकेटले हराएको छ भने मुम्बई इन्डियन्सले दिल्ली क्यापिटल्सलाई ९ विकेटले पराजित गरेको हो । तालिकाको दोश्रो स्थानमा रहेको बैङ्लोर र तेस्रो स्थानको दिल्लीको यो हारसँगै प्लेअफयात्रा रोमाञ्चक बनेको हो।
शनिबार दिउँसो दुबईमा भएको खेलमा टस हारेर पहिले ब्याटिङ गरेको दिल्लीले २० ओभरमा ९ विकेट गुमाएर ११० रनमात्र बनाएको थियो । १११ रनको सामान्य लक्ष पछ्याएको मुम्बाईले १४.२ ओभरमा ०१० विकेट गुमाउँदै पूरा गर्यो । जितसँगै मुम्बईले प्लेअफमा स्थान पक्का गरेको छ।
यस्तै, यूएईको सारजाहमा भएको दोश्रो खेलमा बेङ्ग्लोरले दिएको १ सय २१ रनको लक्ष्य हैदराबादले १४ ओभर १ बलमा मात्र ५ विकेट गुमाएर पूरा गर्यो । जितसँगै हैदराबाद तालिकाको चौंथो स्थानमा उक्लिएको छ । हैदराबादले १३ खेलमा १२ अंक जोडेको छ । हैदराबादले प्ले अफ पुग्ने सम्भावना कायम राखेको छ ।
बेङ्ग्लोर र दिल्लीले भने प्ले अफ पुग्न अन्तिम खेल कुर्नुपर्ने भएको छ । बेङ्ग्लोर र दिल्लीले १३ खेलमा ७ जितसहित १४ अंक जोडेको छन । बेङ्ग्लोर दोस्रो तथा दिल्ली तेस्रो स्थानमा रहेका छन्। अन्तिम खेलमा दिल्ली र बेङ्लोर आमुनेसामुने हुँदैछन्। प्लेअफमा पुग्न दुबै टिमले अनिवार्य जित निकाल्नुपर्नेछ।
