पुष १३, काठमाडौ –
चिनियाँ पार्टीका विदेश विभाग उपमन्त्री र नेकपाका अध्यक्ष पुष्पकमल दाहाल प्रचण्डबीच शिष्टाचार भेटवार्ता भएको छ ।
खुमलटारस्थित प्रचण्डनिवासमा भएको करिव दुई घण्टाको भेटवार्तामा दुई देश बिचको आपसी सम्बन्धका बारेमा छलफल भएको बताईएको छ । यस्तै भेटमा चिनियाँ कम्युनिस्ट पार्टी र नेकपा बिचको सम्बन्धका बारेमा पनि छलफल भएको छ ।
प्रचण्डसँगको वार्तापछि चिनियाँ टोली माधवकुमार नेपाललाई भेट्न उनको निवास कोटेश्वर गएको जनाइएको छ ।
चिनियाँ टोलीले आइतबार बेलुका प्रधानमन्त्री केपी शर्मा ओलीसँग पनि बालुवाटारमा भेट गरेको थियो ।
नेकपा विभाजनमा पुगेपछि आएको चिनियाँ टोलीले सो पार्टीको आन्तरिक विवादमा चासो राखेको बुझिएको छ ।
आइतबार दिउँसो करिब साढे एक बजे चिनियाँ कम्युनिष्ट पार्टीको अन्तर्राष्ट्रिय विभागका उपमन्त्री कुओ येचौको नेतृत्वमा चार सदस्यीय टोली नेपाल आएलगत्तै राजनीतिक भेटवार्ता तीव्र पारेको छ ।
