विश्वभर कोरोना बाट एकैदिन १३ हजार बढिको ज्यान गयो

पुष २२, विराटनगर –
विश्वमा कोरोना भाइरसको संक्रमणबाट एकैदिन १३ हजारभन्दा बढिले ज्यान गुमाएका छन् । गएको २४ घण्टाभित्र विश्वभर १३ हजार चार जना संक्रमितले ज्यान गुमाएका छन्।

वर्ल्डोमिटर्सको तथ्यांकअनुसार बुधबार बिहानसम्म विश्वभर कोरोना संक्रमणका कारण मृत्यु हुनेको संख्या १८ लाख ७४ हजार ३०७ पुगेको छ।

हालसम्म विश्वभर आठ करोड ६८ लाख तीन हजार २८८ जनामा कोरोना संक्रमण पुष्टि भइसकेको छ।

कूल संक्रमितमध्ये ६ करोड १५ लाख २० हजार जना उपचारपछि निको भइसकेका छन्। बाँकी दुई करोड ३४ लाख आठ हजार २३४ जना हाल अस्पताल तथा होम आइसोलेसनमा उपचाररत रहेका छन्।