पुष २५, विराटनगर –
नेपाल कम्युनिस्ट पार्टी (नेकपा)को विद्यार्थी संगठन अनेरास्ववियू मोरङले पुर्णता पाएको छ । साबिक अनेरास्ववियु र अनेरास्ववियु (क्रान्तिकारी) विचको एकता पश्चात् बनेको अनेरास्ववियुले पुर्णता पाएको हो ।
दुई संगठनको एकता पश्चात् बनेको अनेरास्ववियूमा टेकेन क्षेत्री संयोजक र मिलन बस्नेत सह संयोजक रहेका छन् । २३१ सदस्यीय जिल्ला कमिटीमा १५ जना कार्यलय सदस्य छन् भने ६७ सदस्यीय सचिवालय बनाईएको छ ।
कार्यलय सदस्यहरुमा संयोजक टेकेन क्षेत्री, सह संयोजक मिलन बस्नेत सहित संगम कन्दङ्वा, अभिमन्यु यादव, उपेन्द्र बजगाई, निर्मल भण्डारी, शिवराम शहनी, अरविन्द राय, निता कुलुङ राई, जीवन मुडियारी, सागर किराँती, नगेन्द्र घिमिरे, सरोज किराँती, धर्मेन्द्र ऋषिदेव र रेणुकान्त यादव (विवेक) रहेका छन् ।
यस्तै क्याम्पस र स्थानीय तहमा पनि जिम्मेवारी दिइएको छ । पुर्वकै ठूलो क्याम्पस महेन्द्र मोरङमा आशिका लम्साललाई संयोजकको जिम्मेवारी दिईएको छ। त्यस्तै सुकुना क्याम्पसमा कमल कार्कीलाई जिम्मेवारी सुम्पिएको छ ।
