माघ २७, विराटनगर –
ग्रामीण नागरिक विकास समाज नमाक संस्थाले किसानका समस्याबारे अन्तरक्रिया कार्यक्रमको आयोजना गरेको छ । सोमबार कटहरीमा आयोजित कार्यक्रममा किसानका समस्या बुझ्नुका साथै सरकारलाई ध्यानाकर्षण गराईएको छ ।
कार्यक्रममा बोल्दै वक्ताहरुले किसानलाई समयमै खाद्यमल , सिँचाइ र बीउबिज उपलब्ध गराउनुपर्नेमा जोड दिए । प्रधानमन्त्री माछा पालन संचालक समितिका सचिव देवराज चौधरी प्रमुख अतिथि रहेको कार्यक्रममा विशिष्ट अतिथि बिनायक पन्त रहेका थिए । कार्यक्रममा बोल्दै देवराज पौडेलले किसानका तमाम समस्यालाई सरकारले तत्काल समाधान गर्नुपर्ने बताए । अन्य वक्ताहरुमा प्रकाश मण्डल ,जयप्रकाश पास्वान, निजम खान लगायतले पनि किसानका समस्याहरुलाई बेवास्ता गर्न नहुनेमा जोड दिए ।
किसानको आवाज, किसानलाई समयमै खाद्यमलको व्यवस्था गर भन्ने मुल नाराका साथ गतिएको कार्यक्रममा स्थानीय किसानहरुको उपस्थिति रहेको थियो ।
