फागुन १०, विराटनगर –
साताको दोस्रो दिन सोमवार शेयर बजारमा नेपाल इन्फ्रास्टक्चर बैंकको शेयर मूल्य बढेको छ । सोमवार शुरूवाती कारोबारमा १० प्रतिशतले बढ्दै शेयर मूल्य ६ सय ६० रुपैयाँ पुगेको छ । आइतवार बैंकको शेयर मूल्य ६ सय रुपैयाँ रहेको थियो ।
नेप्सेमा कारोबार शुरू गरेकै दिनदेखि निफ्राको शेयर मूल्य निरन्तर बढिरहेको छ । शेयर बजार विश्लेषकहरूले निफ्राको शेयर मूल्य अझै बढ्न सक्ने बताउँदै आएका छन् ।
सोमवार निफ्रासँगै नेपाल हाइड्रो डेभलपर्स लिमिटेड, रधि विद्युत कम्पनी, शिव श्री हाइड्रोपावर लिमिटेडको शेयर मूल्य पनि बढेको छ ।
समाचार तयार पार्दासम्म नेप्से २.६९ अंकले बढ्दा बजार २६४३.०३ विन्दुमा पुगेको छ ।
१ सय ९० कम्पनीको २२ लाख ३९ हजार ९ सय ५२ कित्ता शेयर ९४ करोड ९० लाख ९५ हजार ७ सय ४५ रुपैयाँमा खरिदबिक्री भइरहेको छ ।
Facebook Comments
