फागुन १३, धरान –
केन्द्रीय प्रविधि क्याम्पस हात्तिसारमा विद्यार्थीहरुले बुधवार तालावन्दी गरेकाछन्। विद्यार्थीहरुले आफ्ना मागको सुनुवाई नभएको भन्दै क्याम्पस प्रशासनमा तालावन्दी गरेका हुन्।
विद्यार्थी संगठनहरुले संयुक्त बिज्ञप्ती जारी गर्दै प्रशासन समक्ष माग पत्र समेत वुझाएका छन् । माग पत्र वुझाउदै तालावन्दी गर्ने विदार्थी संगठनहरुमा अनेरास्ववियू,नेपाल बिद्यार्थी संघ,समाजवादी बिद्यार्थी युनियन रहेकाछन् ।
विद्यार्थीहरुले क्याम्पसमा अनेकन समस्याहरु रहेको र संचालनमै भएका संकायहरुमै ल्याब देखि कक्षा कोठा सम्म धेरै समस्या रहेको अवस्थामा क्याम्पसले विआईटी संकाय थप्न खोजेको भन्दै आपत्ति समेत जनाएकाछन् । भईरहेका समस्याहरु हल गरेर मात्र कुनै थप संकाय ल्याउन सकिने उनिहरुको माग रहेको छ।
विद्यार्थीहरुले आवश्यक छलफल समेत नगरी सो संकाय ल्याउन लागेको भन्दै तालाबन्दी गरेका हुन् । क्याम्पस प्रशासनले तालाबन्दीको बिषयलाई वेवास्ता गरी सो विषयमा कुनै पनि कार्य अगि बढाएमा संघर्षका थप कार्यक्रम घोषणा गरीने र त्यसबाट हुने क्षति स्वयम क्याम्पस प्रशासनले व्यहोनु पर्ने चेतावनि समेत विज्ञप्तिमा उल्लेख छ ।
केन्द्रीय प्रविधि क्याम्पस बिशुद्ध बिज्ञानको रुपमा स्थापित भएको क्याम्पसमा अन्य विषय समावेश गरेर क्याम्पसको गरिमामा आँच पुर्याई गरिमा माथिनै प्रश्न चिन्ह खडा गर्न खोजेकोले आन्दोलन गर्नुपरेको अनेरास्ववियूका कार्यलय सदस्य आशिष बोहोराले वताएका छन् ।
