भारतमा कोरोनाबाट एकैदिन ६ सय ८५ जनाको मृत्यु

चैत्र २६, काठमाडौं –
कोरोना भाइरसबाट भारतमा एकैदिन ६  सय ८५ जनाको मृत्यु भएको छ । भारतीय केन्द्रिय स्वास्थ मन्त्रालयका अनुसार पछिल्लो २४ घण्टामा मात्र ६ सय ८५ जनाको मृत्यु भएको जनाएको छ ।

यस्तै,२४ घण्टामा १ लाख २६ हजार ७ सय ८९ नयाँ विरामी दर्ता गरिएका छन। यसैगरी  ५९ हजार २ सय ५८ जना विरामी अस्पतालबाट  डिस्चार्ज भएका छन। भारतमा हालसम्म कूल १ लाख ६६ हजार ८ सय ६२ को मृत्यू भैसकेको छ।

त्यहाँ हालसम्म १ करोड २९ लाख २८ हजार ५ सय ७४ जना कोरोना बाट ग्रसित भएका छन्। जसमा १ करोड १८ लाख  ५१ हजार ३ सय ९३ जनालाई निको भैसकेको छ।