जारी युरो कप २०२० अन्तर्गत क्वार्टरफाईनल समीकरण पूरा भएको छ। गएराती भएका खेलसँगै अन्तिम १६ का सम्पूर्ण खेल समापन भएका छन्।
कुल २४ राष्ट्र सम्मिलित यस प्रतियोगितामा समूह चरणका खेल अन्त्य हुँदा ८ राष्ट्र बाहिरिए। त्यस्तै अन्तिम १६ का खेल सकिँदा अर्को ८ राष्ट्र प्रतियोगिताबाट बहिरिसकेका छन्।
अन्तिम १६ का ‘नकआउट’ खेल स्किँदा चार पटक विश्वकप विजेता जर्मनी, वर्तमान विश्वकप विजेता फ्रान्स, वर्तमान युरो कप विजेता पोर्चुगल, दावेदार मानिएको टोली नेदरल्यान्ड्स जस्ता टोली अन्तिम १६ बाटै बाहिरिए।
अब युरो कप २०२० मा क्वार्टर फाइनल चरणका खेलहरु खेलिने छन्। जसमा ८ राष्ट्र प्रतिस्पर्धा गर्दै छन्। जसअन्तर्गत स्पेनविरुद्ध स्विट्जरल्यान्ड ले प्रतिस्पर्धा गर्नेछ। त्यस्तै, इटाली र बेल्जियम , डेनमार्क र चेक गणतन्त्र तथा इङ्ल्याल्ड र युक्रेनबिच प्रतिस्पर्धा हुनेछ।
Facebook Comments
