भारतमा कोरोना संक्रमित हुनेभन्दा निको हुने धेरै

छिमेकी देश भारतमा कोरोना भाइरस संक्रमित हुनेभन्दा निको हुने धेरै हुन थालेका छ्न्। भारतको केन्द्रीय स्वास्थ्य मन्त्रालयदको आइतबार बिहान ८ बजेको तथ्यांकअनुसार पछिल्लो २४ घण्टामा ४३,०४१ नयाँ संक्रमित भेटिएका छन्। त्यस्तै पछिल्लो २४ घण्टामा ५२,२९९ जना कोरोनाभाइरस मुक्त भएका छन् ।

यस्तै पछिल्लो २४ घण्टामा ९५५ जनाको ज्यान गएको मन्त्रालयले जनाएको छ।

हालसम्म भारतमा कूल ३,०५,४५,४३३जना कोरोना संक्रमित भएका छन्। यस्तै, भारतमा हालसम्म २,९६,५८,०७८ कोरोनाबाट निको भएका छन् भने ४,०२,००५ जनाले कोरोनाबाट ज्यान गुमाएका छन् ।

हाल भारतमा ४,८५,३५० जना सक्रिय संक्रमित रहेका छन्।