बैतडीमा जिप दुर्घटना हुँदा ३ को मृत्युु , ११ घाइते

बैतडी – बैतडीमा आइतबार बिहान जीप दुर्घटनामा परि ३ जनाको ज्यान गएको छ । उक्त दुर्घटनामा अन्य ११ जना घाइते भएका छन्।

४५ वर्षीय मानसिंह साउद, ६४ वर्षीय रामसिंह धामी र ४५ वर्षीय जय सिंह धामीले उक्त दुर्घटनामा ज्यान गुमाएका हुन्।
मानसिंह साउद र राम सिंहको घटनास्थलमै र जय सिंहको उपचारका लागि अस्पताल लैजाँदै गर्दा बाटोमै ज्यान गएको हो ।
घाइते ११ जनालाई उपचारका लागि जिल्ला अस्पताल बैतडी लगिएको छ । घाइतेहरुमध्ये ५ जनाको अवस्था गम्भीर छ ।

लगनबाट डडेलधुरा जाँदै गरेको से १ ज ७३९ नम्बरको जीप बिहान सडकबाट तल खसेको जिल्ला प्रहरी कार्यालय बैतडीले जनाएको छ ।