भारतमा २४ घण्टामा ४३ हजार नयाँ संक्रमित थपिए, ९११ को मृत्यु

काठमाडाैँ – भारतमा पछिल्लाे २४ घण्टामा काेराेना भाइरसका ४३ हजार ३ सय ९३ नयाँ संक्रमित थपिएका छन्। त्यस्तै २४ घण्टामा ९ सय ११ जनाकाे मृत्यु भएकाे केन्द्रीय स्वास्थ्य मन्त्रालयले जनाएकाे छ।

याे अवधिमा ४४ हजार ४ सय ५९ जना संक्रमणमुक्त भएका छन् ।

अहिलेसम्म भारतमा ३ कराेड ७ लाख ५२ हजार भन्दा धेरैलाई संक्रमण पुष्टि भैसकेकाे छ। ती मध्ये २ कराेड ९८ लाख ८८ हजार भन्दा धेरै संक्रमणमुक्त भैसकेका छन्।

भारतमा अहिलेसम्म ४ लाख ५ हजार ९ सय भन्दा धेरैले काेराेना संक्रमणका कारण ज्यान गुमाएका छन्।

अहिले भारतमा ४ लाख ५८ हजार भन्दा धेरै सक्रिय संक्रमित रहेका छन्। भारतले आफ्ना ३६ कराेड ८९ लाख भन्दा धेरै नागरिकलाई काेराेना भाइरसविरुद्धकाे खाेपकाे कम्तीमा पहिलाे मात्र लगाइसकेकाे छ।