विराटनगर – नेपाली काङ्ग्रेसको १४ औँ महाधिवेशनका लागि मोरङको विराटनगर महानगरपालिका-१० बाट युवा प्रतिनिधिको रूपमा जसवन्त पौडेल सर्वसम्मत निर्वाचित भएका छन् । विद्यार्थी नेता समेत रहेका पौडेल मङ्गलबार सर्वसम्मत क्षेत्रीय प्रतिनिधिमा निर्वाचित भएका हुन् ।
लामो समयदेखि महेन्द्र मोरङ क्याम्पसमा विद्यार्थी राजनीति गर्दै आएका पौडेल विद्यार्थीमाझ लोकप्रिय छन्। पार्टी पंक्तिमा समेत सबैको सहयोग पाएका उनी सर्वसम्मत निर्वाचित भएका हुन्। विराटनगरमा-१० मा अर्जुन कार्की समेत सभापतिमा सर्वसम्मत निर्वाचित भएका छन्। विराटनगरमा अधिकांश ठाउँमा बुधबार निर्वाचन हुने कार्यतालिका भएपनी १० नम्बर वडामा भने मंगलबार नै सर्वसम्मत क्षेत्रीय प्रतिनिधि र सभापति निर्वाचित भएका हुन्।
देशकै गौरवमय इतिहास बोकेको महेन्द्र मोरङ क्याम्पसका नेविसंघ सभापति समेत रहेका पौडेलले काङ्ग्रेसमा पछिल्लो समय युवाहरुले अवसर पाउँदै गएको बताए। उनल भने, ‘काङ्ग्रेसमा युवाहरुलाई अवसर छैन्, युवाहरुले हस्तक्षेप गर्न सक्दैन् भन्ने आरोप लागिरहेको अवस्थामा आफू निर्विरोध निर्वाचित हुन पाएकोमा खुसी छु।’
क्षेत्रीय प्रतिनिधिमा सर्वसम्मत निर्वाचित भएसँगै राजनीतिमा युवाहरूको भविष्यप्रति आशा जागेको उनको भनाइ छ । उनले भने, ‘कांग्रेसमा ५० कटेकालाई युवा नेता मान्नुपर्ने विवशतालाई अब हाम्रो पुस्ताले तोड्नुपर्छ ।’
