विराटनगर- ग्रेस एभेन्ट्सले एसईई परिक्षा दिएका किशोरकिशोरीलाई लक्षित गरि ‘मिस्टर एन्ड मिस ग्रेस एसईई नेपाल’ सौन्दर्य प्रतियोगिताको आयोजना गर्ने भएको छ। इभेन्ट्सले नेपालका बिभिन्न आठ सहरहरुमा प्रतियोगिताको आयोजना गर्दैछ।
पछिल्लो समय रााष्ट्रियस्तरका विभिन्न सफल ईभेन्ट, सौन्दर्य प्रतियोगिता, फेशन शो, च्यारिटी शो लगायतका कार्यक्रमहरु आयोजना गरेर चर्चा कमाउन सफल ग्रेस एभेन्ट्सले काठमाडौं, भक्तपुर, ललितपुर, पोखरा, धरान, चितवन, झापा, हेटौडा र बिराटनगरमा एकैसाथ ‘मिस्टर एन्ड मिस ग्रेस एसईई नेपाल’ को आयोजना गर्दैछ। कार्यक्रमको विराटनगर अडिसन यही जेठ १४ गते श्री कृष्ण पार्टी प्यालेस रेष्ट्रो एण्ड लज, बसपार्क पछाडी हुने कार्यक्रम आयोजकले जनाएको छ। अडिसन दिनको ११ बजे देखी सुरु हुनेछ।
मोडलिङ क्षेत्रमा प्रवेश गर्न खोजिरहेका एसईई दिएर बसेका किशोरकिशोरी लक्षित गर्दै प्रतियोगिताको आयोजना गर्न लागिएको आयोजकले जनाएको छ। एसईई दिएपछिको फुर्सदको समय सदुपयोग गर्दै शैक्षिक विकास , व्यक्तित्व विकास, आत्मविश्वास अभिवृद्धि, रोजगारीको लागि विभिन्न आकर्षक अवसर प्रदान गर्नुका साथै उनीहरुको आन्तरीक क्षमता उजागर लगायत नेतृत्वदायी क्षमताको विकास गराई एक कुसल व्याक्तित्व तथा शिक्षित व्यक्तिको रुपमा अगाडि आउन सहयोग गर्ने हेतुले कार्यक्रम गरिएको आयोजकले बताएको छ।
प्रतियोगितामा सहभागी सम्पूर्ण प्रतियोगीहरुलाई सैपाल एकेडेमी लगायत उपत्यका बाहिर विभिन्न कलेजहरूमा छात्रवृती प्रदान गरिनेछ। उक्त कार्यक्रममा सहभागीताको लागि ग्लोबल अनलाईन पे मार्फत निःशुल्क अनलाईन फारम रजिस्ट्रेसन गर्न सकिने छ । प्रतियोगिताका विजेतालाई ‘मिस्टर एन्ड मिस ग्रेस एसईई नेपाल’ कोे शिर्ष ताज उपाधि सहित मुस्ताङ भ्रमण, नगद पुरस्कार, र्याफ्टीङ, फेमिली क्याम्पफायर साथै अन्य आकर्षक गिफ्ट ह्याम्परहरु प्रदान गरिनेछ।
