मोरङमा । अविरल वर्षासँगै आएको बाढीले हजारौं परिवार विस्थापित हुन पुगेका छन् । सिंघिया खोलामा आएको बाढी बस्तीमा पस्दा विराटनगर र कटहरीका हजारैं परिवार विस्थापित भएका हुन् ।
बाढीका कारण विस्थापित भएका विराटनगर महानगरपालिकाका बाढी पिडितहरुलाई हाम्रो अभिानले साँझ र विहान खाना खुवाउन सुरु गरेको छ ।
सोमबार देखि अविरल वर्षाका कारण विराटनगर महानगरपालिकाका विभिन्न जलमग्न छ । भने, सिंघिया खोलामा बाढी आँउदा बस्तीमा पसेर खोला छेउछाउका वस्ती डुबानमा परेका छन् ।
अभियानले मंगलबार बेलुका देखि बाढी पिडित १ सय ६५ परिवारलाई खाना खुवाउन सुरु गरेका अभियानका नेतृत्व गरिरहेका युवा नेता तथा सामाजिक अभियन्ता वोसिम आलमले जानकारी दिए ।
घर डुबानका कारण विराटनगर महानगरपालिकामा विभिन्न स्थानका नगरवासीहरु विस्थापित हुनुभएको छ, कोही त्रिपाल टाँगेर बस्नुभएको छ उहाँहरुलाई हामीले हिजो बेलुका देखि खाना खुवाउन सुरु गरेका हौँ,’उनले भने,‘अवस्था सामान्य नभएसम्म हामी निरन्तर खाना खुवाउछौँ ।’
हाम्रो अभियानले बिगतमा पनि कोरोना कालमा दैनिक रुपमा निशुल्क खाना खाुवाउदै आएका थिए ।
