विराटनगर । परिवर्तनका हातहरु नामक संस्थाले एक दिने मानसिक स्वास्थ सम्बन्धि गोष्ठीको आयोजना गरेको छ । शुक्रवार विराटनगर स्थित गोग्राहा मा. वि. को सभाहलमा आयोजना भएको कार्यक्रममा बिराटनगर महानगरपालिकाकि उप- मेयर शिल्पा निराला कार्कीको प्रमुख आतिथ्य रहेको थियो । त्यस्तै अन्य अतिथिहरुमा बिराटनगर महानगरपालिका वडा नं ४ का अध्यक्ष जितेन थापा , युवा अभियन्ता निर्मल भण्डारी, युवा नेता कुश थापा , तुलसी घिमेरे लगायतका अतिथिहरुको उपस्थित थियो ।
सो कार्यक्रममा मनोबिज्ञान बिषयका प्राध्यापक सुजन बिस्ट र कोशी अञ्चल अस्पतालका मानसिक रोग विशेषज्ञ डा. आलोक झाले मानसिक स्वास्थ अवस्था र त्यसले व्यक्तिको जिवनमा पार्ने सकारात्मक र नकारात्मक असरहरु को बारेमा विद्यार्थीहरुलाई कक्षा लिएका थिए ।
संस्थाका अध्यक्ष केशव भण्डारीको अध्यक्षतामा करिब ४ घण्टा चलेको कार्यक्रममा सिटि कलेज, महेन्द्र मोरङ, एभरेस्ट, मोर्डन एरा, भानु, गोग्राहा मा वि लगायत विभिन्न शैक्षिकसंस्थाका विद्यार्थीहरुको उपस्थिति रहेको थियो । मानिसमा बढ्दो मानसिक तनाव र रोग बारे जनचेतना फैलाउने हेतुले उक्त कार्यक्रम गरिएको संस्थाका अध्यक्ष भण्डारीले बताए । सो कार्यक्रममा करिब १५० जना विद्यार्थीहरुको सहभागिता रहेको थियो भने कार्यक्रम संस्थाका सचिव दिपक आचार्यले सञ्चालन गरेका थिए ।
