विराटनगर । कलेज आइकन विराटनगरको दोस्रो अडिसन मंसिर १ गते हुने भएको छ । उपेक्षा, दुव्र्यवहार, विभेद र घरेलु हिंसा न्युनिकरणका लागि किशोर किशोरी सशक्तीकरणका लागि रुपान्तरण भन्ने मुल नाराका साथ विङ्गस इन्टरटेन्मेन्टको आयोजनामा संचालन हुन लागेको कलेज आईकन विराटनगरको दोस्रो अडिसन मंसिर १ गते हुने भएको हो।
कक्षा ११ र १२ मा अध्यनरत विधार्थी हरुलाई मध्यनजर गरेर आयोजना गरिएको उक्त कार्यक्रमको पहिलो अडिसन कात्तिक २६ गते शनिबार भएको थियो। कन्चनबारी स्थित ह्वाईटहाउस थकाली किचन तथा रेस्टुरेन्टमा सम्पन्न भएको पहिलो चरणको अडिसनमा २२ जनाले सहभागी जनायका थिए ।
बढ्दो उमेर संगै कला, संस्कृति तथा व्यक्तीत्व र नेतृत्व शिक्षामा युवाहरुको घट्दो रुचीलाई ध्यानमा राखी विराटनगरमा पहिलो पटक केही फरक प्रशिक्षण तथा सिकाई सामग्रीसहित विङ्गसले यो कार्यक्रम आयोजना गर्न लागेको कार्यक्रम संयोजक पवन काफ्लेले बताएका छन्।
हालै मात्र उदयपुरमा लिटिल आईकन उदयपु्रको पाँचौ संस्करण सकेको विङ्गसले दर्शक र सहभागिबाट राम्रै जोश पाएको थियो ।
