काठमाडौं । यू-१९ राष्ट्रिय क्रिकेट प्रतियोगितामा सुदूरपश्चिम प्रदेशले लगातार पाचौं खेल जितेको छ र यो जीतसँगै सुदूर फाइलनमा पुगेको छ । सुदूरले मधेश प्रदेशलाई ७ विकेटले सजिलै हराएको छ ।
त्रिवि क्रिकेट मैदानमा टस जितेर ब्याटिङ रोजेको मधेश प्रदेश ३८.१ ओभरमा १२२ रनमा अल आउट भएको थियो ।
१२३ रनको विजयी लक्ष्य पछ्याएको सुदूरले १८.५ ओभरमा ३ विकेट गुमाउँदै पूरा गर्यो । सुदूरको जितमा दीपक बोहराले ५८ बलमा ६ चौका २ छक्कासहित सर्वाधिक ५३ रनको अर्धशतकीय पारी खेले ।
अर्का ओपनर दीपक बोहरा २४ बलमा ६ चौकासहित २४ रनमा आउट भए । गजेन्द्र बोहरा १० बलमा २ चौका र २ छक्कासहित २४ रन र अनुराग सिंह २ रनमा अविजित रहे । मधेशका अभिषेक तिवारीले सर्वाधिक दुई विकेट लिए ।
।
सुदूरपश्चिमप्रदेशले अन्तिम खेलमा शुक्रबार बागमतीसँग खेल्नेछ । सुदूरपश्चिम ५ खेलमा १० अंकका साथ शीर्ष स्थानमा छ । दोस्रो स्थानमा रहेको बागमती ४ खेलमा ८ अंकका साथ दोस्रो स्थानमा छ । लुम्बिनी ३ खेलमा ४ अंकका साथ तेस्रो स्थानमा छ । शीर्ष दुई टोलीले मंसिर १९ गते फाइनल खेल्नेछन् ।
