आजको बैठकमा यही सत्ता गठबन्धनलाई निरन्तरता दिने निर्णय

काठमाडौ। प्रधानमन्त्री निवास बालुवाटारमा बसेको पाँचदलीय सत्ता गठबन्धनको बैठक सकिएको छ ।

चुनावपछि गठबन्धनको बैठक पहिलोपटक बसेको हो । बैठकमा चुनावी समीक्षा र नयाँ सरकारबारे छलफल भएको छ । बैठकपछि गठबन्धनले संयुक्त वक्तव्य जारी गर्ने तयारी गरेको छ । अहिले वक्तव्यको ड्राफ्ट तयार भइरहेको छ । वक्तव्यमा चुनावमा सहभागी भएकोमा देशवासीलाई धन्यवाद दिइने र नयाँ सरकारबारे पनि धारणा सार्वजनिक गरिने जनाइएको छ ।

यसैबीच सत्ता गठबन्धनलाई निरन्तरता दिने निर्णय भएको छ । गठबन्धनले बागी उम्मेदवारलाई भने कारबाही गर्नेसमेत निर्णय गरेको छ ।

बैठकले गठबन्धनलाई निरन्तरता दिने निर्णय गरे पनि चुनावमा अपेक्षाकृत नतिजा नआएकाे निष्कर्ष निकालेकाे छ । गठबन्धनलाई निरन्तरता दिने गठबन्धनकै नेतृत्वमा सरकार बनाइने निर्णय गरिएकाे छ ।