काठमाडौंको हलचोकमा रहेको सशस्त्र प्रहरी बलको मुख्यालयमा रहेको क्यान्टिनमा प्रेसर कुकर विस्फोट हुँदा तीन जना घाइते भएका छन्।
शनिबार राति करिब साढे ८ बजेतिर क्यान्टिनमा खाना पकाउनेक्रममा एक्कासी विस्फोट हुँदा तीन जना घाइते भएको सशस्त्र प्रहरी बलले जनाएको छ।
घाइते हुनेमा एक जना बालक र दुई जना जवान छन्।
११ वर्षीय आयुष बुढा, जवानद्वय यमनाथ योगी र हिरासिंह बराल घाइते छन्। उनीहरूको उपचारको लागि कीर्तिपुरस्थित बर्न अस्पतालमा लगिएको छ। उनीहरूको अवस्था सामान्य रहेको सशस्त्र प्रहरी स्रोतले जनाएको छ।
Facebook Comments
