मोटरसाइकल चोरी गरेको अभियोगमा एक युवक पक्राउ

बुढानिलकण्ठ बस्ने काभ्रेपलाञ्चोक रोशी गाउँपालिका घर भएका २८ वर्षीय वाङज लामालाई मोटरसाइकल चोरी गरेको अभियोगमा मंगलबार साँझ प्रहरीले पक्राउ गरेको छ ।

ललितपुर महानरगपालिका-१८ मगरगाउँबाट स.१० प १३ २७ नम्बरको मोटरसाइकल २०७८ कात्तिक २५ गते हराएको भन्ने उजुरीको आधारमा ट्राफिक प्रहरी कार्यालय रामशाहपथबाट खटिएको प्रहरीले खोजी गर्ने क्रममा वास्तविक नम्बर परिवर्तन गरी बा.९३ प ८७८ नम्बर प्रयोग गरी चलाइरहेको अवस्थामा उक्त मोटरसाइकल सहित फेला पारी उनलाई पक्राउ गरेको हो ।

पक्राउ परेका लामालाई आवश्यक अनुसन्धान तथा कारवाहीको लागि जिल्ला प्रहरी परिसर जावलाखेल ललितपुर पठाइएको छ ।